Qol.az saytından əldə olunan məlumata görə, ain.az məlumat yayır.
“Liverpul”un hücumçusu Məhəmməd Salah UEFA-nın Fələstin millisinin sabiq üzvü Süleyman əl-Obeydin vəfatı ilə bağlı paylaşımına reaksiya verib.
QOL.az xəbər verir ki, UEFA-nın "X" sosial şəbəkəsində 41 yaşlı keçmiş futbolçunun ölüm xəbərini əks etdirən paylaşımda belə yazılmışdı: “Əlvida, "Fələstinin Pelesi" Süleyman əl-Obeyd. Hətta ən qaranlıq zamanlarda belə minlərlə uşağa ümid bəxş edən istedad.”
Misirli oyunçu isə həmin paylaşıma cavab olaraq UEFA-ya əl-Obeydin ölüm səbəbi və yerini açıqlayıb-açıqlaya bilməyəcəyini soruşub:
“Bizə deyə bilərsinizmi, o, necə, harada və niyə öldü?”
Qeyd edək ki, avqustun 6-sı Fələstin Futbol Assosiasiyası Süleyman əl-Obeydin Qəzza zolağının cənubunda humanitar yardım gözləyərkən İsrailin artilleriya atəşi nəticəsində həlak olduğunu açıqlamışdı.
O, karyerası ərzində “Əl-Şati”, “Markez Şabab əl-Amari” və “Qəzza Sport” klublarında çıxış edib, 100-dən çox qol vurub.
Ən son xəbərləri və yenilikləri almaq üçün ain.az saytını izləyin.
