ain.az bildirir, Bizimyol portalına istinadən.
Prezidentlər Donald Tramp və Vladimir Putin arasında görüş mütləq uğursuz olmayacaq və hətta ərazi güzəştləri olsa belə, sülh razılaşmasına gətirib çıxara bilər, lakin bunun baş verməsi üçün Tramp Putinə aydın şərtlər qoymalıdır.
Bizimyol.info xəbər verir ki, bu barədə "The Washington Post"un məqaləsində bəhs edilir.
“Əgər Tramp Putinin son niyyətlərinə dair yeni skeptisizmini davam etdirsə, hətta ərazi güzəştləri ilə bağlı yekun sülh də mümkün ola bilər. Amma hər növbəti addım ehtiyatla atılmalıdır. Putin iti dişləri və caynaqları olan vəhşi heyvandır və ona uyğun davranılmalıdır”, - deyə məqalədə qeyd edilir.
"WP"nin məlumatına görə, cümə günü danışıqların başlanğıc nöqtəsi Putinin Ukraynanın atəşkəs müqabilində hələ də saxladığı Donetsk ərazilərindən birtərəfli qaydada geri çəkilməsini tələb etməsi olacaq.
“Tramp Avropa müttəfiqlərinin təklifi ilə asanlıqla cavab verə bilər: Rusiya hər hansı qarşılıqlı ərazi mübadiləsi üçün ilkin şərt kimi ilk növbədə atəşkəslə razılaşmalıdır. Belə şəraitdə Donetskin qalan hissəsinin hazırda Rusiyanın işğalı altında olan Zaporojya və Xerson vilayətlərindəki ərazilərlə dəyişdirilməsi məqbul ola bilər”, - deyə nəşr qeyd edib.
Təhlükəsizlik zəmanətləri də müzakirənin bir hissəsi olmalıdır. Məqalədə qeyd edildiyi kimi, ən azı Tramp və vitse-prezident Ceyms Devid Vens Ağ Evdə hakimiyyətdə olduğu müddətdə Ukraynanın NATO-ya üzvlük məsələsi müzakirə mövzusu olmayacaq. “Ona görə də ediləcək ən yaxşı şey Rusiyanı Ukraynanın Avropanın şərq cinahında daimi qarnizon dövlətinə çevriləcəyini qəbul etməyə məcbur etməkdir. Metaforik kirpi kimi, Ukrayna da Qərb silahları ilə dişinə qədər silahlandırılmalı və gələcək Rusiyanın istənilən təcavüzünün qarşısını ala bilməlidir. Reallıq onadn ibarətdir ki, Rusiyanın növbəti hücumu təhdid edib-etməyəcəyi deyil, bunu nə vaxt edəcəyidir", - deyən "WP" eyni zamanda, hər hansı sövdələşmənin həyata keçirilməsi üçün ukraynalıların dəstəyinin təmin edilməsinin vacibliyini vurğulayır.
Hazırkı şəraitdə bu çətin görünsə də, Vladimir Zelenski hələ də Alyaskadakı sammitə dəvət ala bilər.
NATO-nun baş katibi Mark Rutte hesab edir ki, Trampla Putinin görüşü bir növ Rusiya liderinin niyyətlərinin ciddiliyi və müharibəni dayandırmağa hazır olmasının sınağı olacaq.
Öz növbəsində Almaniya kansleri Fridrix Merz Avropa və Ukraynanın iştirakı olmadan ərazi məsələlərinin müzakirəsinin qəbuledilməz hesab etdiyini bildirib və Vladimir Zelenskinin Alyaskada olmasının vacibliyini vurğulayıb.
Bu arada “The Times” belə mövqe ifadə edib ki, Avropa Ukraynaya diplomatik dəstəyində sabit qalsa belə, gələcək sülh sazişi üçün əlverişli şərtlərlə danışıqlarda Kiyevi dəstəkləmək və ya atəşkəs rejiminə əməl olunmasını təmin etmək üçün kifayət qədər gücə malik deyil.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
