Türkiyə Prezidenti Rəcəb Tayyib Ərdoğan və Gürcüstan Prezidenti Mixail Kavelaşvili iki ölkənin gələcəkdə də əməkdaşlıq, sülh və inkişaf naminə birlikdə hərəkət edəcəklərini vurğulayıb.
Ərdoğan və Kavelaşvili arasında prezidentin iqamətgahında keçirilən ikitərəfli danışıqlardan sonra ortaq mətbuat konfransı keçirilib. Türkiyə Prezidenti ölkələr arasında yalnız qonşuluq münasibətlərinin deyil, həm də dərin tarixi, mədəni və insan əlaqələrinin mövcud olduğunu qeyd edib.
Ərdoğan bildirib ki, Bakı-Tbilisi-Qars dəmir yolu layihəsi, Orta Dəhliz kimi Şərq və Qərbi birləşdirən əsas infrastrukturlardan biridir və iki ölkə strateji əhəmiyyət daşıyan neft və qaz kəmərlərinin paylaşdığı ortaq maraqlara sahibdir.
O, həmçinin əməkdaşlığın regionda sabitlik və inkişaf üçün vacib olduğunu əlavə edib.
//Samir Qurbanov, Editor.az
