Ehtiyatda olan polkovnik Rasim İbrahimov vəfat edib.

aia.az xəbər verir ki, bu barədə mərhumun yaxınları məlumat yayıb. Onun son üç ildə ağır xəstəlikdən əziyyət çəkdiyi deyilir.

Qeyd edək ki, Rasim İbrahimov Azərbaycan Ordusunda birinci ordu korpusunun, daha sonra Hərbi Hava Qüvvələrinin maliyyə xidmətinin rəisi işləyib. O, 2020-ci ildə ehtiyata buraxılıb.

R.İbrahimovun adı ordudakı 143 milyonluq mənimsəmə cinayəti ilə bağlı ittiham olunan general-mayor Nizami Məmmədov, Hərbi Hava Qüvvələrinin maliyyə xidmətinin keçmiş rəisi polkovnik Cəlal Kazımov və digərlərinin məhkəməsində hallanıb.

aia.az