İqlim dəyişikliyi təkcə ekosistemlərə deyil, gündəlik yeməyimizə və sağlamlığımıza da təsir edir. Temperaturun yüksəlməsi, qeyri-sabit yağıntılar və ekstremal hava hadisələri kənd təsərrüfatında ciddi dəyişikliklərə səbəb olur. Bu isə fermer təsərrüfatlarından tutmuş süfrəmizə qədər bütün qida sistemlərini risk altına salır.
Məhsuldarlığın azalması:
- Quraqlıq və isti hava torpağın məhsuldarlığını zəiflədir;
- Taxəl, tərəvəz, meyvə kimi əsas ərzaqların yetişmə mövsümü qısalır, məhsul itkisi artır.
Qida keyfiyyətinin zəifləməsi:
- Temperatur artdıqca bəzi məhsulların qida dəyəri aşağı düşür;
- Daha çox pestisid və gübrədən istifadə zərurəti yaranır ki, bu da qida təhlükəsizliyi riskini artırır.
Sağlamlığa təsirlər:
- Zəif qidalanma: ərzaq çatışmazlığı vitamin, mineral və zülal defisitinə yol açır;
- Yoluxucu xəstəliklər: pis qidalanma immuniteti zəiflədir, infeksiyalara həssaslığı artırır;
- İqtisadi çətinliklər: qida qiymətlərinin artması, xüsusilə az gəlirli ailələrin sağlam və keyfiyyətli qidaya çıxışını məhdudlaşdırır.
Nəticə etibarilə, iqlim dəyişikliyi qida təhlükəsizliyinə birbaşa təsir edir və sağlamlıqla bağlı riskləri artırır. Davamlı kənd təsərrüfatı, su və torpaq resurslarına qənaətli yanaşma, həmçinin ədalətli qida paylanması qlobal sağlamlığın qorunmasında həlledici rol oynayır.
