Bazar ertəsi Avropa, ABŞ və Ukrayna liderləri arasında keçirilən çoxtərəfli görüşdə Ukraynaya silah tədarükü haqqında sövdələşmənin maliyyələşdirilməsi məsələsi müzakirə olunmayıb.
“Report”un Avropa bürosunun məlumatına görə, bunu Aİ-nin rəsmi nümayəndəsi Arianna Podesta Brüsseldə keçirilən brifinqdə bildirib.
O qeyd edib ki, bu səbəbdən həmin məsələni şərh edə bilməz.
"Aİ-nin həm də Ukrayna ilə birlikdə Avropanın sənaye sahələrinin inteqrasiyası və müdafiə xərclərinin və innovasiyaların təşviqini əhatə edən təhlükəsizlik proqramı var", - A.Podesta bildirib.
Bazar ertəsi Ukrayna Prezidenti Volodimir Zelenski ABŞ Prezidenti Donald Trampa 90 milyard dollar dəyərində silah alışı ilə bağlı təkliflər paketi təqdim etdiyini bildirib.
