ain.az, Modern.az saytından verilən məlumata əsaslanaraq xəbər yayır.
XIX əsrin ortalarında inşa edilmiş Şuşa həbsxanası tarixi əhəmiyyət daşıyan tikililərdən biridir və işgal dövründə erməni silahlı birləşmələri tərəfindən müxtəlif məqsədlərlə istifadə olunub.
Modern.az Şuşa həbsxanasının gələcəkdə hansı istiqamətdə istifadə olunacağına dair məlumat əldə etmək üçün Şuşa Şəhəri Dövlət Qoruğu İdarəsinə sorğu ünvanlayıb.
Saytımızın sorğusuna cavab olaraq Şuşa Şəhəri Dövlət Qoruq İdarəsindən bildirilib ki, hazırda Azərbaycan Respublikası Mədəniyyət Nazirliyinin sifarişi ilə həmin kompleksdə İşğal Muzeyinin yaradılması ilə bağlı layihə hazırlanma mərhələsindədir.
Əlavə olaraq qeyd edilib ki, layihə çərçivəsində binanın tarixi və memarlıq xüsusiyyətləri nəzərə alınmaqla bərpa edilməsi, müasir muzey formatında qorunaraq gələcək nəsillərə təqdim olunması nəzərdə tutulur.
Ən son xəbərləri və yenilikləri almaq üçün ain.az saytını izləyin.
