ain.az bildirir, Yeniavaz saytına əsaslanaraq.
Bryansk vilayətində sərhədçilər Rusiya Milli Qvardiyası və polislə birlikdə nəqliyyat obyektlərində terror aktları planlaşdıran Ukrayna təxribat-kəşfiyyat qrupunu (TXQ) saxlayıb.
Yeniavaz.com xəbər verir ki, bu barədə ölkənin Federal Təhlükəsizlik Xidməti məlumat yayıb.
Məlumata görə, TXQ Xüsusi Əməliyyatlar Xidmətinin əməkdaşlarından ibarət olub və ona Ukrayna Müdafiə Nazirliyinin Baş Kəşfiyyat İdarəsi (BKİ) nəzarət edib.
FTX-nin məlumatına görə, üç nəfər saxlanılıb, daha üç nəfər saxlanılma zamanı öldürülüb. Əməliyyat zamanı təhlükəsizlik qüvvələri tərəfindən 6 tüfəng, 16 kiloqram partlayıcı maddə, qumbara və patron, həmçinin BKİ rəhbərliyi ilə əlaqə saxlamaq üçün radiostansiya aşkar edilərək götürülüb.
Qeyd edilib ki, saxlanılan şəxslər 2024-cü ilin sentyabrında Belqorod vilayətinin Novoskolski rayonunda dəmiryolunun partladılmasında və digər terror aktlarının hazırlanmasında iştirak etdiklərini etiraf ediblər. Xüsusi xidmət iddia edir ki, təxribat və kəşfiyyat qrupunun üzvləri Qərb kəşfiyyatçılarının iştirakı ilə Ukraynada, həmçinin Litva, Estoniya və Norveçdə təlim keçiblər.
Sonrakı hadisələr barədə daha çox məlumat almaq üçün ain.az saytını izləyin.
