Finss.az xəbər verir ki, ABŞ prezidenti Donald Trampın administrasiyası Intel korporasiyasının 10% payının alınması ilə bağlı danışıqlar aparır.
Beləliklə, hökumət problemli çip istehsalçısının ən böyük səhmdarına çevrilə bilər.
Intel səhmləri cümə axşamı ticarətində 4% ucuzlaşıb. Şirkətin kapitallaşması təqribən 107,5 milyard dollardır və sövdələşmənin həcmi buna görə də təxminən 10,5 milyard dollar ola bilər.
Bundan əvvəl bildirilmişdi ki, Ağ Ev şirkətdə pay almaq üçün ABŞ-ın Çiplər Aktı çərçivəsində Amerika yarımkeçirici sənayesinin inkişafı üçün ayrılmış vəsaitdən istifadə edə bilər. Bu qanuna əsasən, Intel təxminən 10,9 milyard dollar əldə edib ki, bu da ümumilikdə şirkətin bazar dəyərinin 10%-nə uyğundur.
