Festivalın məqsədi
İki gün davam edəcək festivalın əsas məqsədi yerli üzüm və şərab istehsalının təşviqi, şərab məhsullarının ixrac potensialının artırılması, Azərbaycanda üzümçülük və şərab istehsalı tarixinin, həmçinin bu sahədə görülən işlərin geniş ictimaiyyətə çatdırılmasıdır. Festival həm də şərab istehsalçılarına yeni işgüzar əlaqələr qurmaq və məhsullarını geniş auditoriyaya tanıtmaq üçün mühüm platforma rolunu oynayacaq.
Festival iştirakçılarını gözləyən yeniliklər
Bu il keçiriləcək festival çərçivəsində üzüm istehsalı, şərabçılıq və ölkənin turizm potensialı ilə bağlı hər gün üçün fərqli maarifləndirici və əyləncəli tədbirlər təşkil olunacaq.
Festival ərazisində ziyarətçilər üçün sərgi, əyləncə və müxtəlif master-klas zonaları, eləcə də məşhur restoranların pavilyonları fəaliyyət göstərəcək. Qonaqlar yerli və xarici istehsalçıların şərab məhsullarını dequstasiya etmək, bəyəndikləri məhsulları ən sərfəli zavod qiymətinə əldə etmək, ustad dərslərində iştirak etmək və şərab evlərinin maraqlı hekayələrini dinləmək imkanı qazanacaqlar.
Eyni zamanda ziyarətçilər festival günlərində maraqlı şou proqramlarda da iştirak edə biləcəklər. Festival üzümçülük və şərabçılıq sahəsində həm peşəkarlar, həm də bu sahəyə marağı olan şəxslər üçün unudulmaz təcrübə vəd edir.
İştirakçılar üçün nəqliyyat xidməti də təşkil olunacaq.
Üzüm və Şərab Festivalına öz şəxsi nəqliyyat vasitəsi ilə getmək istəyənlər üçün biletin qiyməti 20 manat, xüsusi ayrılmış avtobuslarla getmək istəyən şəxslər üçün isə 40 manatdır. Biletləri “İticket.az” saytından əldə etmək mümkündür.
Qeyd edək ki, Üzüm və Şərab Festivalı üçün xüsusi ayrılmış avtobuslar Heydər Əliyev Mərkəzinin dayanacağından 13 sentyabr saat 11:30-da yola düşəcək.
Şamaxıdan Bakıya geri dönüş reysləri isə 13 və 14 sentyabrda saat 20.40-da yola çıxacaq.
Üzüm və Şərab Festivalı haqqında
Qeyd edək ki, Üzüm və Şərab Festivalı ilk dəfə 2019-cu ildə təşkil olunub. Festival ənənəvi olaraq Şamaxı rayonunun Meysəri kəndində keçirilir. Festivalın əsas məqsədi yerli üzüm və şərab istehsalını təşviq etmək, eyni zamanda şərab məhsullarının ixrac potensialının artırılmasıdır. Üzüm və Şərab Festivalı Azərbaycanda üzümçülük və şərab istehsalı tarixinin, bu sahədə görülən işlərin geniş ictimaiyyətə çatdırılmasında mühüm rol oynayır.
10Sources
-
editor.azŞamaxıda növbəti Üzüm və Şərab Festivalı – Qonaqları zəngin proqram gözləyir ( 20534091)
-
redaktor.azŞamaxıda Üzüm və Şərab Festivalında qonaqları nə gözləyir? ( 20533140)
-
dogru.azŞamaxıda Üzüm və Şərab Festivalı: Zəngin Proqram, Bol Əyləncə ( 20532867)
-
gundem.azŞamaxıda növbəti Üzüm və Şərab Festivalı -Qonaqları zəngin proqram gözləyir ( 20530239)
-
azia.azŞamaxıda növbəti Üzüm və Şərab Festivalı - Qonaqları zəngin proqram gözləyir ( 20525964)
-
veteninfo.azŞamaxıda növbəti Üzüm və Şərab Festivalı – Qonaqları zəngin proqram gözləyir ( 20525499)
-
manset.azŞamaxıda növbəti Üzüm və Şərab Festivalı - Qonaqları zəngin proqram gözləyir ( 20524923)
-
demokrat.azŞamaxıda növbəti Üzüm və Şərab Festivalı — Qonaqları zəngin proqram gözləyir ( 20524890)
-
qaynarinfo.azŞamaxıda növbəti Üzüm və Şərab Festivalı Qonaqları zəngin proqram gözləyir ( 20524410)
-
Ajans.azŞamaxıda növbəti Üzüm və Şərab Festivalı - Qonaqları zəngin proqram gözləyir ( 20524350)
