“İnter” klubunda çıxış edən müdafiəçi Alessandro Bastoni növbəti mövsümdə “Barselona”ya keçə bilər.
90deqiqe.Az-ın "Fichajes"ə istinadən məlumatına görə, kataloniyalılar 26 yaşlı futbolçunu gələn ilin yayında transfer etməyi planlaşdırır. La Liqa nəhəngi artıq italyan futbolçunun agenti ilə ilkin razılıq əldə edib.
“Transfermarkt” portalına görə, Bastoninin bazar dəyəri 80 milyon avrodur. O, hazırda “İnter”lə 2028-ci ilin ortasına qədər müqavilə bağlayıb.
Ötən mövsüm Bastoni “İnter”in heyətində 57 oyunda iştirak edərək 2 qol vurub və 6 məhsuldar ötürmə edib.
