2025/26 mövsümündə Azərbaycan UEFA-nın klub reytinqində ən çox əmsal toplayan ölkələr sırasında 7-ci yeri tutur. Bunlar yarışın təsnifat mərhələlərinə aiddir.
Sportinfo.az xəbər verir ki, bu mövsüm Azərbaycanın 4 klubu reytinqə daha 2.375 əmsal əlavə edib.
Eyni əmsalı 6-cı yerdə qərarlaşmış İsrail də toplayıb. Bu mövsüm təsnifat mərhələlərində ən çox əmsalı isə Kipr komandaları yığıb (3,625).
Azərbaycanın qazandığı əmsallardan ən çoxu “Qarabağ”ım payına düşür - 1,250. “Sabah” 0,625, “Araz Naxçıvan” 0,375, “Zirə” isə 0,125 əmsal toplayıb. 4 klubumuzdan “Qarabağ” istisna olmaqla digər 3 komanda yarışlarda mübarizəni dayandırıb.
Son 5 mövsümün nəticələrinə əsasən isə Azərbaycan 19,500 əmsalla 28-ci yeri tutur. Birinci yerdə isə İngiltərədir (94,839 əmsal).
