Ajans.az BBC-ə istinadən xəbər verir ki, Surrey qraflığının Lightwater şəhərində yerləşən qocalar evində yaşayır. Caterham, bu ilin aprelində braziliyalı rahibə İnah Canbarro Lukasın 116 yaşında vəfatından sonra dünyanın ən yaşlı insanı elan olunub. 1909-cu il avqustun 21-də anadan olan Caterham, kral Edvard VII dövrünün sağ qalan sonuncu təbəəsi hesab olunur. Onun böyük nəvəsi, hazırkı kral Çarlz III, ötən il 115 yaşı tamam olanda ona şəxsi təbrik kartı göndərmişdi. Ethel Caterham tarixin mühüm hadisələrinin canlı şahidi olub: o, Titanik faciəsindən üç il əvvəl dünyaya gəlib, Rusiya İnqilabından səkkiz il əvvəl anadan olub və hər iki dünya müharibəsini görüb. Hampşir qraflığının Shipton Bellinger şəhərində doğulan Caterham səkkiz uşaqlı ailədə böyüyüb. Yeniyetməlik illərində Hindistanda dayə (au-pair) kimi çalışıb. Daha sonra orduda polkovnik-leytenant rütbəsi daşıyan əri Normanla birlikdə Honq-Konq və Cəbəllütariqdə yaşayıb. Qayğı evindən verilən açıqlamada qeyd olunub:
“Ethel və ailəsi bu il 116 yaşını qeyd edərkən ona ünvanlanan bütün xoş mesajlara görə minnətdardır. O, bu günü ailəsi ilə birlikdə sakit şəraitdə keçirəcək ki, öz sürəti ilə zövq ala bilsin. Bu özəl gündə göstərilən diqqət və arzular üçün təşəkkür edirik”. Xatırladaq ki, rəsmi şəkildə təsdiqlənmiş ən uzun ömür sürmüş insan 1997-ci ildə 122 yaş 164 günlük ikən vəfat edən fransalı Jeanne Louise Calment olub.

 

• 116 Yaş
• Dünyanın Ən Yaşlı Insanı
• Caterham
• Surrey Qraflığı
• Rahibə İnah Canbarro Lukas