BAKI, 22 avqust. TELEQRAF
UEFA Konfrans Liqasında pley-off mərhələsinin ilk oyunları keçirilir.
Teleqraf xəbər verir ki, turnirdə Türkiyəni təmsil edən “Başakşəhər” klubu azarkeşlərini məyus edib. İstanbul klubu öz meydanında Rumıniya “Universitatya Krayova”sına 1:2 hesabı ilə uduzub.
İstanbulun daha iddialı “Beşiktaş” klubu isə səfərdə heç-heçə edib. “Qara qartallar” İsveçrədə “Lozanna”nın müqavimətini qıra bilməyib (1:1).
Türkiyəli mütəxəssis Arda Turanın çalışdırdığı Donetsk “Şaxtyor”u öz meydanında “Servett”lə (İçveçrə) heç-heçə (1:1) edib.
Yada salaq ki, cavab oyunları 1 həftə sonra keçiriləcək.
