Bayraq dirəyində rəqs edən turist həbs olunacaq - VİDEO

Nevşehirdə yerləşən Üçhisar Qalasının başındakı bayraq dirəyində rəqs edən turisti 3 ilə qədər həbs cəzası gözləyir.

"Cebheinfo.az"  xəbər verir ki, əcnəbi turistin bu hərəkəti milli simvolun təhqiri və millətin alçaldılması kimi qiymətləndirilib. 

Prokurorluq üç ilədək azadlıqdan məhrumetməni nəzərdə tutan maddələrlə cinayət işinin başlandığını elan edib: "Türkiyə bayrağı dirəyində əcnəbi vətəndaşın törətdiyi qeyri-adekvat davranışla bağlı təhlükəsizlik qüvvələrimiz tərəfindən aparılan təxirəsalınmaz araşdırma və aşkarlama işlərindən sonra lazımi cinayət işi açılıb, xarici ölkə vətəndaşı ilə bağlı Nevşehir Respublika Prokurorluğu tərəfindən Türkiyə Cəza Məcəlləsinin 300 və 301-ci maddələri çərçivəsində məhkəmə istintaqı başladılıb".

"Cebheinfo.az"