Erməni bloger Rusiyada həbs edildi

  Moskvanın Taqanski Rayon Məhkəməsi erməni bloger Arsen Markaryanı vətən müdafiəçilərinin xatirəsini təhqir etməkdə ittiham edərək həbs edib.

Referans “Qafqazinfo”ya istinadən xəbər verir ki, bu barədə paytaxtın ümumi yurisdiksiya məhkəmələrinin mətbuat xidmətinin teleqram kanalında məlumat verilib.

Xatırladaq ki, A. Markaryan ötən gün Rusiya Cinayət Məcəlləsinin 354.1-ci maddəsinin 4-cü hissəsi ilə vətən müdafiəçilərinin xatirəsini təhqir etməkdə şübhəli bilinərək saxlanılmışdı.

Belə ki, Markaryan videohostinq saytlarından birində vətən müdafiəçilərinin xatirəsinə təhqirlər əks etdirən video yerləşdirib.