Nənəsinin evində əxlaqsızlıq yuvası təşkil edən qadın HƏBS EDİLDİ

Şirvan Apellyasiya Məhkəməsində fahişəliyə cəlb etmə və əxlaqsızlıq yuvaları saxlamada təqsirləndirilən Cəmilə Lətifovanın (adı, soyadı şərtidir) barəsindəki hökmdən verilən apellyasiya şikayəti üzrə məhkəmə iclası başa çatıb.

Bizim.Media “pravda.az”a istinadla xəbər verir ki, hakim Habil Bəhmənovun sədrliyi ilə keçirilən prosesdə qərar elan olunub.

Qərara əsasən, apellyasiya şikayəti təmin edilməyib.

İttihama görə, Cəmilə Lətifova gəlir əldə etmək məqsədi ilə 2024-cü illərdə 2 qadını fahişəliyə cəlb edib və fahişəliklə məşğul olmaq üçün nənəsinin evində əxlaqsızlıq yuvaları təşkil edib.

Şirvan Şəhər Məhkəməsinin hökmü ilə o, 3 il 2 ay müddətə azadlıqdan məhrum edilib.

Bizim.Media

• Məhkəmə
• Fahişəlik
• Apellyasiya
• Əhlaqsızlıq
• Cəmilə Lətifova