Kürdəmirdə 33 yaşlı kişi binadan YIXILDI

Kürdəmirdə 33 yaşlı kişi hündürmərtəbəli binadan yıxılıb.

News365.az xəbər verir ki, hadisə rayon ərazisində fəaliyyət göstərən un dəyirmanı binasında qeydə alınıb.

Belə ki,1992-ci il təvəllüdlü rayonun Qağacılı kənd sakini Nuğayev İsmət Ədalət oğlu iş zamanı hündürlükdən yıxılıb və ağır bədən xəsarəti alıb.

Ətrafdakı insanlar onu dərhal Kürdəmir rayon Mərkəzi Xəstəxanasına aparılıblar.

Qarının ön divarının deşilmiş cırılmış yaraları, üzün, qulağın, dodağın çoxsaylı yaraları diaqnozu qoyulan xəstə dərhal əməliyyata götürülüb.

Hazırda onun vəziyyəti orta ağır qiymətləndirilir. Fakt araşdırılır.