BAKI, 26 avqust. TELEQRAF
Fransa Baş naziri Fransua Bayru milli büdcə və qənaət tədbirləri ilə bağlı referendumun keçirilməsini dəstəkləməyə hazır olduğunu, lakin Prezident Emmanuel Makronun belə bir səsvermənin nəticələrinin dövlət siyasətini təhlükə altına qoya biləcəyindən narahatlığını ifadə edib.
Teleqraf xəbər verir ki, bu barədə “L’Express” qəzeti məlumat yayıb.
“Referendum tərəfdarıyam! Mən bunu açıq şəkildə demişəm. Amma respublika prezidentinin şübhələrini də anlayıram. Onun arqumentləri kifayət qədər əsaslıdır: əgər bu məsələdə uğursuz olsaq, siyasəti necə davam etdirmək olar?” – deyə Baş nazir nəşrə açıqlamasında vurğulayıb.
Bayru əlavə edib ki, iyul ayında Makrona parlamentin fövqəladə sessiyasını çağıraraq etimad səsverməsi keçirməyi təklif edib. Lakin nəticədə səsvermənin yay tətilindən sonra, sentyabrda keçirilməsinə qərar verilib.
