Fransa prezidenti Emmanuel Makron İsrailin baş naziri Binyamin Netanyahuya məktub yazaraq Qəzza zolağının işğalı qərarının İsrailə heç vaxt qələbə gətirməyəcəyini bildirib.
Netanyahunun bu ay Makrona antisemitizm alovunu yandırmaqda ittiham edən məktubundan sonra Fransa lideri İsrailin baş nazirinə cavab göndərib.
Fransanın “Le Monde” qəzetinin dərc etdiyi məktubda Makron Netanyahunun 17 avqustda ona göndərdiyi məktubu aldığını bildirib.
Netanyahunun məktubu almamışdan əvvəl məktubun məzmunu ilə bağlı ictimaiyyətə açıqlama verdiyini xatırladan Makron, "Ona görə də müzakirələrimizdə şəffaflıq naminə mənim cavabım da ictimaiyyətlə paylaşılacaq, lakin bu barədə şəxsən sizə məlumat vermək istədim və oxumağınızı gözləyəcəm. Bu, nəzakətin əsasıdır" deyib.
"Antisemitizmə qarşı mübarizə alət edilə bilməz"
"Antisemitizmlə mübarizə vasitələşdirilə bilməz və İsrail və Fransa arasında münaqişəni alovlandıra bilməz" deyən Makron yəhudi vətəndaşlarının müdafiəsinin vəzifədə olduğu ilk gündən prioritet olduğunu bildirib.
İsrailin Qəzzaya hücumlarının Fransanın milli birliyinə və vətəndaşlarının təhlükəsizliyinə mənfi təsir göstərdiyini qeyd edən Makron, iyulun 31-də ali təhsildə antisemitizmlə mübarizə üçün qanun qəbul etməsi və yəhudi icmasının toplaşdığı yerlərin təhlükəsizliyini təmin etmək üçün 15 min polisin təyin edilməsi kimi müxtəlif addımlar atdığını vurğulayıb.
