ABŞ səfirliyinin əməkdaşı Danimarka Xarici İşlər Nazirliyinə çağırılıb.
APA-nın “Al Arabiyya” kanalına istinadən verdiyi xəbərə görə, Danimarka televiziyası bu ölkənin xarici işlər naziri Lars Lokkenin ABŞ diplomatının XİN-ə çağırılması ilə bağlı göstəriş verdiyini bildirib.
Məlumata görə, buna səbəb Amerika vətəndaşlarının Qrenlandiyada ictimai təsir kampaniyaları aparılmasıdır.
Qeyd edək ki, bundan əvvəl may ayında da ABŞ səfiri Danimarka XİN-ə çağırılmışdı.
Xatırladaq ki, bir müddət əvvəl ABŞ prezidenti Donald Tramp Qrenlandiyanın ABŞ-ın nəzarətinə keçməli olduğunu iddia etmişdi.
