ABŞ Hindistandan idxal olunan mallara rüsumları rəsmən 50 faiz həcminə qədər artırıb.
“Qafqazinfo” “Bloomberg” agentliyinə istinadən xəbər verir ki, yeni rüsumlar bu gün Bakı vaxtı ilə 08:00-da rəsmi olaraq qüvvəyə minib.
Bildirilib ki, yeni tarif humanitar mallara, artıq yolda olan yüklərə və qarşılıqlı ticarət proqramları çərçivəsində olan məhsullara şamil edilməyəcək.
Bunun əsas olaraq tekstil və zinət əşyaları sənayesinə təsir edəcəyi gözlənilir.
Agentlik qeyd edib ki, ABŞ-nin bu addımı iki ölkə arasında münasibətlərin kəskin pisləşməsinə səbəb ola bilər.
Xatırladaq ki, ABŞ bundan əvvəl Hindistandan idxal olunan mallara rüsumları 25% (50%-ə qədər) artırdığını elan etmişdi. Ölkə qərarını Hindistanın Rusiyadan neft almağa davam etməsi ilə əlaqələndirmişdi.
"Cebheinfo.az"
