“Barselona” qapıçısı İnyaki Penya ilə yollarını ayırıb.
90deqiqe.Az klubun rəsmi saytına istinadən xəbər verir ki, 26 yaşlı futbolçu mövsümün sonuna qədər icarə əsasında “Elçe”də çıxış edəcək.
Maraqlıdır ki, icarəyə yollanmadan öncə Penya Kataloniya klubu ilə yeni müqavilə imzalayıb. Razılaşmaya əsasən, ispaniyalı qolkiperin “Barselona” ilə müqaviləsi 2029-cu ilin yayına qədər uzadılıb.
İspaniya La Liqasının ilk iki turunda “Elçe” 2 xal toplayıb. “Barselona” isə itkisiz başlayaraq 6 xalla turnir cədvəlində liderlər arasında qərarlaşıb.
Qeyd edək ki, mövsüm ərzində “Barselona” ilə “Elçe”nin qarşılaşmaları noyabrın əvvəlində və fevralın əvvəlində baş tutacaq.
