ABŞ Prezidenti Donald Trampın xüsusi nümayəndəsi Kit Kelloq Rusiyanın 28 avqust gecəsi Ukraynaya, xüsusilə də paytaxt Kiyevə endirdiyi kütləvi hava hücumunu sərt şəkildə pisləyib.
Editor.az xəbər verir ki, diplomat sosial şəbəkə X-də paylaşımında qeyd edib ki, Rusiya müharibə başlayandan bəri ikinci ən böyük hava hücumunu həyata keçirib. Hücum zamanı təxminən 600 pilotsuz uçuş aparatı və 31 raketdən istifadə olunub.
Kellogun sözlərinə görə, zərbələrin hədəfi hərbi obyektlər deyil, yaşayış binaları və Avropa diplomatik missiyalarının ofisləri olub. O, bu cür hücumların bölgədə sülhə ciddi təhlükə yaratdığını vurğulayıb.
//Samir Qurbanov, Editor.az
