Almaniya kansleri Fridrix Mers Fransanın prezidenti Emmanuel Makronla birgə mətbuat konfransında Rusiya prezidenti Vladimir Putin və Ukrayna prezidenti Vladimir Zelenski arasında görüşün baş tutmayacağını bildirib.
Editor.az xəbər verir ki, bu barədə RIA Novosti məlumat yayıb.
Xatırladaq ki, ABŞ prezidenti Donald Tramp daha əvvəl qeyd etmişdi ki, Putin və Zelenski yaxın dost olmasalar da, “gözləniləndən daha yaxşı anlaşırlar” və bu, onların ikitərəfli görüş imkanını yaratmışdı.
Ukrayna prezidenti isə bəyan edib ki, Kiyev Moskva ilə birbaşa dialoqa hazırdır və bunun ən səmərəli format olduğunu düşünür. Öz növbəsində Putin Zelenskiyə Moskvada görüşməyi təklif etmişdi.
//Samir Qurbanov, Editor.az
