Birləşmiş Millətlər Təşkilatının Baş katibi Antonio Quterreş Ukrayna Prezidenti Volodimir Zelenski ilə telefonda münaqişənin həlli üçün son diplomatik səyləri müzakirə edib.
Publika.az xəbər verir ki, bu barədə dünya təşkilatının nümayəndəsi Stefan Düjarrik brifinqdə məlumat verib.
Onun sözlərinə görə, tərəflər Ukraynada davam edən münaqişəyə son qoymaq üçün diplomatik səyləri müzakirə ediblər.
Bundan əlavə, bildirilir ki, Quterreş söhbət zamanı BMT-nin mövqeyini təsdiqləyib. Həmin mövqeyə görə, Rusiya ilə sülh sazişinə nail olmaq üçün “tam, dərhal və qeyd-şərtsiz” atəşkəs ilk addım olmalıdır.
