“Ənsar Allah” (Husi) hərbi-siyasi hərəkatının yaratdığı Yəmən hökumətinin baş naziri Əhməd Qalib ər-Rahavi İsrailin Sənaya endirdiyi hava zərbəsi nəticəsində həlak olub.
Publika.az xəbər verir ki, bu barədə “RİA Novosti” əl-Rahavi ailəsinə yaxın yəmənli mənbəyə istinadla məlumat yayıb.
Onun sözlərinə görə, İsrail qırıcıları Sənanın cənubundakı Hadda bölgəsində bir evi bombalayıb. Nəticədə baş nazir və onun bir neçə tərəfdaşı da daxil olmaqla 4 nəfər həlak olub.
O, əlavə edib ki, “Ənsar Allah” qruplaşması ötən il avqustun 10-da baş nazir təyin edilmiş əl-Rahavinin ölümünü elan etməyə hazırlaşır.
