“Robert Köçəryanın dili artıq burulur, düşünürəm ki, qarşıdan gələn seçkilərdə xalqımız həm Serj Sarqsyanın, həm də Robert Köçəryanın siyasi dilini kəsib kökündən qoparmaq imkanı əldə edəcək. Bu, siyasi vasitələrlə baş verməlidir”.
Teleqraf xəbər verir ki, bunu Ermənistan Baş naziri Nikol Paşinyan deyib.
Baş nazir bildirib ki, onlar heç bir seçkidə qalib gəlməyən insanlardır: “1991-ci ildə bir dəfə qalib gələn Levon Ter-Petrosyandan başqa. Onların özlərini müqayisə edəcəkləri kimlərsə varmı?
Məni tez-tez Ermənistanın keçmiş prezidentlərinin siyasi həyatımızda hələ də mövcud olmasında ittiham edirlər. Ümid edirəm ki, qarşıdan gələn seçkilərdə bu məsələ həllini tapacaq”.
N.Paşinyan S.Sarqsyan və R.Köçəryanı hakimiyyətdə olduqları dönəmdə xalqı aldatdıqlarını etiraf etməyə çağırıb.
