ABŞ Maliyyə Nazirliyi Meksikadakı narkotik kartellərinin Çinin çirkli pulların yuyulması şəbəkələrindən istifadə etdiyini düşünür.
Hafta.az xəbər verir ki, bu barədə ABŞ Maliyyə Nazirliyinin saytı məlumat yayıb. Məlumatda bildirilir ki, bu şəbəkələr Meksikalı narkotik kartelləri üçün gəlirləri yuyur, ABŞ-də və dünyada digər irimiqyaslı yeraltı pul köçürmə sxemlərində iştirak edir.
ABŞ Maliyyə Nazirliyinin məlumatına görə, 2020-2024-cü illər arasında bu sxem üzrə ümumi dəyəri təxminən 312 milyard dollar olan 137.000-dən çox əməliyyat müəyyən edilib. Eyni şəbəkələrdən fırıldaqçılıq və insan alveri üçün də istifadə edilir.
Açıqlamaya görə, Çin pasportuna sahib olan şəxslər bilərəkdən və ya bilməyərəkdən çirkli pulların yuyulmasında iştirak edirlər.
