Polis əməkdaşlarının keçirdikləri əməliyyat tədbirləri ilə avqustun 28-də ümumi çəkisi 4 kiloqramdan artıq narkotik vasitə və kultivasiya yolu ilə yetişdirilmiş 96 ədəd çətənə kolu aşkar olunaraq götürülüb.
Məlumatı DİN mətbuat xidməti verib.
Polis əməkdaşları tərəfindən paytaxt ərazisində narkotik vasitələrin qanunsuz dövriyyəsi və satışına qarşı növbəti əməliyyatlar zamanı 20 yaşlı H.Əliyev Nəsimi, 45 yaşlı V.Mirzəyev isə Sabunçu rayonu ərazisində saxlanılıblar. Onlardan 2 kiloqramdan artıq marixuana, heroin və psixotrop maddə metamfetamin aşkarlanıb.
Saxlanılan şəxslərin daxil olduqları narkoşəbəkənin digər üzvlərinin də müəyyənləşdirilərək məsuliyyətə cəlb olunmaları istiqamətində araşdırmalar davam etdirilir.
Bu istiqamətdə qətiyyətli mübarizə tədbirləri görülür.
P.ƏMİRCANOV
XQ
