Volodimir Zelenski Ukraynada danışıqlar prosesinin sabotajına və münaqişənin davam etdirilməsinə aparan addımlar atır.
APA TASS-a istinadən xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bugünkü brifinqdə bildirib.
“Zelenski sülh danışıqları prosesinin sabotajına və münaqişənin eskalasiyasına aparan addımlar atmağa davam edib”, - Zaxarova deyib.
Zaxarova diqqətə çatdırıb ki, Zelenski “itirilmiş əraziləri tanımaqdan imtina edib”.
Eyni zamanda, o qeyd edib ki, Zelenski “bu regionların sakinlərinin böyük əksəriyyətinin 2022-ci il referendumunun nəticələrindən sonra Rusiya ilə birləşmək iradəsini heçə sayır”.
