Naxçıvan Muxtar Respublikasında 2025-ci ilin taxıl biçini yekunlaşıb.
Doğru.az xəbər verir ki, bu il ümumilikdə 17 582,7 hektar sahədə taxıl əkilib. Onun 16 946,5 hektarını payızlıq, 636,2 hektarını isə yazlıq əkinlər təşkil edib.
Əkin sahələrinin 8 275,8 hektarında buğda, 9 306,9 hektarında isə arpa yetişdirilib. Biçin nəticəsində ümumilikdə 37 648,8 ton məhsul əldə olunub. Bunun 18 136,9 tonu buğda, 19 511,9 tonu isə arpadır. Orta məhsuldarlıq 25,1 sentner/hektar təşkil edib. Ən yüksək məhsuldarlıq göstəricisi isə 36,8 sentner/hektar olmaqla Sədərək rayonunda qeydə alınıb.
Bildirilib ki, bu il Naxçıvanda taxıl əkininə görə 5 512 fermerə 3,7 milyon manatdan çox subsidiya ödənilib.
Qeyd edək ki, Naxçıvan Muxtar Respublikası Kənd Təsərrüfatı Nazirliyində mövsümün nəticələri və qarşıdan gələn əkin dövrünə hazırlıqla bağlı iclas keçirilib.
Bu məqsədlə xüsusi komissiya yaradılıb.
Komissiya əkinlərin proqnozlaşdırılması, texnika və gübrə təminatı, aqrotexniki tədbirlərin vaxtında aparılması, toxum sortları ilə təminat, suvarma işlərinin təşkili və əkin prosesinin optimal müddətdə həyata keçirilməsinə nəzarət edəcək.
DOĞRU.AZ
