İsrail ordusu fələstinlilərin işğalı və məcburi köçkünlüyünün arxasınca Qəzzanın şimalına hücumlarını gücləndirir.
Turkustan.az xəbər verir ki, işğalın birinci mərhələsinin başladığını elan edən ordunun son bəyanatında "Qəzzanın kənarında var gücümüzlə əməliyyatlar aparırıq " ifadəsi işlədilib.
İsrail ordusu iki girovun cəsədinin tapıldığını açıqlayıb. Yerli medianın məlumatına görə, onlardan biri — 56 yaşlı İlan Veys 2023-cü il oktyabrın 7-də Həmas tərəfindən qaçırılmışdı.
Bununla yanaşı ordunun bu gün yaydığı bəyanatda Qəzzada daha əvvəl elan edilmiş taktiki atəşkəsin məhdudlaşdırıldığı bildirilib. İyul ayında humanitar məqsədlərlə tətbiq olunan gündəlik müvəqqəti atəşkəs bundan sonra Qəzza şəhəri ərazisini əhatə etməyəcək.
Bəyanatda qeyd olunur ki, bu qərar “münaqişənin gedişatı və siyasi rəhbərliyin təlimatları” nəzərə alınaraq verilib və bu gün saat 10:00-dan etibarən qüvvəyə minib. Ordunun vurğuladığına görə, Qəzza şəhəri daha intensiv və təhlükəli döyüşlərin getdiyi bölgə hesab olunur.
Aytən Yaşar/ Turkustan.az
