2025-ci ilin yanvar-iyul ayları ərzində İpoteka və Kredit Zəmanət Fondu (İKZF) üzrə ümumilikdə 247,2 milyon manat kredit verilib. Bu göstərici ötən ilin eyni dövrü ilə müqayisədə 11,8% az olub.
Bu barədə Finss.az Azərbaycan Mərkəzi Bankına (AMB) istinadən xəbər verir.
Təkcə iyul ayında isə İKZF-nin xətti ilə 14,3 milyon manat kredit verilib ki, bu da 2024-cü ilin iyul ayı ilə müqayisədə 71,4% azlıq təşkil edir. Hesabat dövründə Fondun yenidən maliyyələşdirdiyi kreditlərin məbləği 4,7% artaraq 257,8 milyon manat olub.
2025-ci il ərzində İKZF istiqraz buraxmaqla cəlb etdiyi vəsaitin məbləğini 23,3% artıraraq 370 milyon manat səviyyəsinə çatdırıb. Eyni zamanda, Fondun dövlət büdcəsindən ayrılmış vəsaitin məbləği 27,1% azalma ilə 47,9 milyon manat həcmində müəyyənləşib.
Fuad Mədətov
Finss.az
