ABŞ Prezidenti Donald Tramp Kamala Harrisin xüsusi xidmət orqanları tərəfindən qorunmasını rəsmən dayandırıb.
Axar.az xəbər verir ki, bu barədə CNN məlumat yayıb.
Trampın imzaladığı sənədə əsasən, sabiq vitse-prezident Kamala Harris üçün qanunla nəzərdə tutulan 6 aylıq təhlükəsizlik təminatı müddəti iyulun 21-də başa çatıb. Lakin bu müddət keçmiş prezident Co Baydenin hələ hakimiyyətdə olduğu zaman imzaladığı və ictimaiyyətə açıqlanmayan göstərişlə bir il daha uzadılmışdı.
Tramp həmin göstərişi ləğv edərək, 1 sentyabr 2025-ci ildən etibarən Harrisə əlavə təhlükəsizlik tədbirlərinin dayandırılması barədə Daxili Təhlükəsizlik Nazirliyinə göstəriş verib.
“Vitse-prezident Birləşmiş Ştatların Məxfi Xidmətinə peşəkarlığı, fədakarlığı və təhlükəsizliyə sarsılmaz sadiqliyinə görə minnətdardır”, - Harrisin baş məsləhətçisi Kirsten Allen CNN-ə deyib.
