ain.az, Yeniavaz saytından verilən məlumata əsaslanaraq xəbər yayır.
Ukrayna prezident aparatının rəhbəri Andrey Yermak ABŞ prezidentinin xüsusi nümayəndəsi Stiven Uitkoffla görüşüb.
Yeniavaz.com xəbər verir ki, bu barədə Yermak sosial şəbəkə hesabında yazıb.
Görüş Nyu-Yorkda baş tutub və orada Ukrayna xarici işlər nazirinin müavini Serhiy Kislıtsa da iştirak edib.
Yermakın sözlərinə görə, danışıqların əsas məqsədi əsl diplomatiyaya təkan vermək və prezidentlər Donald Tramp və Volodimir Zelenskinin və Avropa liderlərinin görüşündə əldə olunan razılaşmaların icrasını əlaqələndirmək olub.
Kiyev nümayəndəsi həmçinin təsdiqləyib ki, Ukrayna Rusiya ilə istənilən formatda, o cümlədən ən yüksək səviyyədə danışıqlara hazırdır.
Qeyd edək ki, Vaşinqtondakı sammitdən sonra Tramp Putinlə Zelenski arasında görüş hazırlamağa başladığını bildirib. Almaniya kansleri Fridrix Merts bunun avqustun sonuna qədər baş tuta biləcəyini ehtimal edir.
Rusiya prezidentlərin görüşünə açıq olduğunu, lakin bundan əvvəl uzun hazırlıq keçməli olduğunu iddia edir.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
