ABŞ regiona yaxınlaşır: Rusiya və İranı nə narahat edir? — Politoloqdan AÇIQLAMA
Bunu Demokrat.az-a açıqlamasında politoloq Sultan Zahidov deyib.
O, bildirib ki, İran bu dəhlizi ciddi təhdid olaraq görür, çünki onun açılması İranın strateji əhəmiyyətini azaldacaq:
"Azərbaycan üzərindən keçən enerji resursları İranın təsir imkanlarını məhdudlaşdırır, Ermənistan isə artıq İran asılılığından bir qədər azad olacaq. ABŞ-ın bölgəyə gəlməsi İrana həm də strateji təhlükə kimi görünür, çünki burada ABŞ və İsrail birgə kəşfiyyat əməliyyatları həyata keçirə bilər".
Ekspert bildirib ki, Rusiya isə ABŞ-ın regionda möhkəmlənməsini öz təsir dairəsinə qarşı ciddi rəqabət kimi qiymətləndirir:
"Vaşintonun əsas niyyəti Zəngəzur dəhlizi vasitəsilə Mərkəzi Asiya və Avropa arasında əlavə kanal açmaq, eyni zamanda Avropanın Rusiyadan enerji asılılığını azaltmaqdır ki, bu da Rusiyanın milli maraqlarına ziddir".
Politoloqun sözlərinə görə, Azərbaycan layihənin regional inkişaf, sülh və sabitliyi təmin etmək məqsədli olduğunu vurğulayır:
"Reallıq odur ki, Zəngəzur dəhlizi bölgənin geosiyasətini dəyişəcək və əsas qazanan tərəflər Azərbaycan, Türkiyə və müəyyən mənada Ermənistan olacaq. Bununla belə, layihə Rusiya və İran üçün təhdid olaraq istifadə edilməyəcək, lakin onlar bundan ciddi narahatdırlar".
Əfsanə Kamal
Demokrat.az
