Azərbaycan UEFA reytinqində 2 pillə irəliləyib. Bu, “Qarabağ”ın UEFA Çempionlar Liqasının Liqa mərhələsinə vəsiqə qazanması ilə mümkün olub.
Ağdamlılar pley-offda Macarıstan təmsilçisi “Ferentsvaroş”la iki oyunun nəticəsinə (3:1, 2:3) görə qitənin ən nüfuzlu klub turnirinin liqa mərhələsinə yüksəlməklə ölkənin əmsalını 21.000-ə çatdırıb. Bu da ölkəmizin 28-ci pillədən 26-cı pilləyə yüksəlməsinə səbəb olub.
25-ci pillədə Slovakiya (21.375), 27-ci yerdə isə Sloveniya (20.718) qərarlaşıb.
Qeyd edək ki, UEFA reytinqinə İngiltərə (95.005) başçılıq edir. Sonrakı yerləri İtaliya (84.660), İspaniya (78.953), Almaniya (78.953) və Fransa (67.962) tuturlar.
Qabil YUSİFOĞLU
XQ
