Embriyonların genetik yoxlanılması (PGT-A) süni mayalanma (EKO) zamanı qadınlarda hamiləliyin başlanmasını sürətləndirə bilər. Belə nəticəyə beynəlxalq alimlər qrupu gəlib. Bu barədə Journal of Clinical Medicine (JCM) məlumat yayıb.Bu, dünyada ilk dəfə aparılan randomizə olunmuş nəzarətli tədqiqatdır ki, yalnız 35–42 yaşlı qadınlara həsr olunub. Bu yaş qrupunda embriyonlarda xromosom anomaliyalarının riski əhəmiyyətli dərəcədə yüksəkdir. Araşdırmada aneuploidiya üzrə preimplantasiya genetik test (PGT-A) istifadə olunub. Bu test embriyonlarda xromosom sayındakı səhvləri uşaqlığa yerləşdirilmədən əvvəl aşkar etməyə imkan verir.Tədqiqatda King’s Fertility klinikasının 100 pasiyenti iştirak edib: onların yarısına PGT-A tətbiq olunub, digərlərinə isə yox. Nəticələr göstərib ki, üç embriyon köçürülməsindən sonra doğuş tezliyi PGT-A qrupunda 72%, kontrol qrupunda isə 52% təşkil edib. Bundan başqa, genetik testdən keçən qadınlar daha az cəhdlə və daha tez hamilə qalıb.Dr. Yusuf Bibidjaun bildirib:“Qadınlar getdikcə daha çox uşaq doğmağı 35 yaşdan sonrasına saxlayır və məhz bu yaşda embriyonlarda xromosom anomaliyaları daha çox rast gəlinir ki, bu da uğursuz implantasiyalara və düşüklərə səbəb olur. Bizim məlumatlarımız göstərir ki, bu qrupda PGT-A istifadəsi hamiləliyə daha tez çatmağa və təkrar uğursuz sikllərin yaratdığı emosional yükü azaltmağa kömək edə bilər”.Professor Sesh Sunkara isə qeyd edib ki, araşdırmanın yalnız 35–42 yaşlı qadınlara fokuslanması və “mozaik embriyonların” daxil edilməsi onu unikallaşdırır:“Əgər nəticələr böyük çoxmərkəzli tədqiqatlarda təsdiqlənsə, bu, müalicə strategiyasına ciddi təsir göstərə bilər, hamiləliyə qədər olan müddəti azaldaraq EKO-nun fiziki və emosional yükünü yüngülləşdirə bilər”.
Diqqət Çəkənlər
Sizi səssizcə yaşlandıran vərdişlər hansılardır?
Təbii pəhriz əlavələri düşündüyünüz qədər zərərsiz deyil
Mers Almaniya üçün təhlükəni açıqladı
