Rusiyada daha bir azərbaycanlı diaspor nümayəndəsinin həbs olunduğu deyilir.
Kommersant nəşrinin bildirdiyinə görə, həbs olunan azərbaycanlı Kuban bölgəsində Azərbaycan diasporunun nümayəndəsi Şahlar Novruzovdur.
Şahlar Novruzovun Rusiyada biznes fəaliyyəti ilə də məşğul olduğu deyilir.
Rusiya mediası onun maliyyə fırıldağında ittiham olunduğunu yazıb.
Bu məqalədə Google YouTube məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl Google YouTube kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Video açılmırsa, YouTube kanalımızda izləyin.
Şahlar Novruzovun bu ittihama cavabı bəlli deyil.
Son iki ay ərzində Rusiyada iki azərbaycanlı diaspor nümayəndəsi həbs edilib, biri isə deportasiya olunub.
Azərbaycan dövlət mediası baş verənləri Rusiyanın azərbaycanlılara qarşı etnik hücumu kimi qiymətləndirir.
İki ölkə arasında münasibətlər ötən ilin dekabrında Azərbaycan təyyarəsinin Rusiya səmasında vurulmasından sonra pisləşib. İyun ayında isə Rusiyada iki azərbaycanlının həbs zamanı ölməsi münasibətlərdəki gərginliyi daha da artırıb.
Azərbaycan onların işgəncə altında, Rusiya isə "ürəktutmadan" öldüyünü bildirib.
