Finss.az xəbər verir ki, çərşənbə axşamı günü neft qiymətləri öz artımını sürətləndirdi, investorlar geosiyasi xəbərləri izləməkdə, ŞƏT sammitinin nəticələrini qiymətləndirməkdə və ABŞ-ın əsas statistik məlumatlarının açıqlanmasını gözləyirlər.
Londonun ICE Futures birjasında Brent markalı neftin noyabr fyuçerslərinin dəyəri Bakı vaxtı ilə saat 10:49-a olan vəziyyətə görə bir barel üçün 69,4 dollar təşkil edib ki, bu da əvvəlki hərracların bağlanışına nisbətən 1,25 dollar (1,83%) bahadır.
Nyu-York əmtəə birjasının (NYMEX) elektron ticarətində oktyabr ayı üçün WTI neftinin fyuçersləri cümə gününün bağlanış səviyyəsindən 1,89 dollar (2,95%) bahalaşaraq bir barelə görə 65,9 dollara yüksəlir. Bazar ertəsi NYMEX-də əsas ticarət ABŞ-da tətil olduğu üçün keçirilməyib.
Neftin qiymətinin artması Ukrayna ilə silahlı münaqişənin güclənməsi fonunda Rusiyadan neft tədarükünün mümkün kəsilməsi ilə bağlı narahatlıqlardan qaynaqlanır.
