Türkiyə İspaniyaya böyük hesabla məğlub oldu

2026-cı il FIFA Dünya Çempionatının Avropa zonası üzrə seçmə mərhələsində Türkiyə millisi ağır yenilgi ilə üzləşib.

Musavat.com xəbər verir ki, Konya MEDAŞ Böyükşəhər Stadionunda baş tutan görüşdə İspaniya yığması meydan sahiblərini 6:0 hesabı ilə məğlub edib.

Matçın ilk hissəsində Pedri və Mikel Merino (2 dəfə) fərqlənərək ispanları fasiləyə 3:0 hesablı üstünlüklə aparıblar. İkinci yarıda isə Ferran Torres və yenidən Pedri qol vuraraq hesabı artırıblar.

Türkiyə millisinin bir neçə real imkanı olsa da, Unai Simonun qurtarışları və dirəklər meydan sahiblərinə qol sevinci yaşamağa imkan verməyib.

Bu nəticə ilə İspaniya seçmə mərhələdə qrupda inamlı qələbə qazanaraq liderliyini möhkəmləndirib. Türkiyə isə ağır məğlubiyyətlə turnirdə işini çətinləşdirib. 

 

Musavat.com

• TürkiyÉ™
• Idman
• İspaniya
• Fifa Dünya Çempionatı
• Məğlubiyyet