BAKI, 9 sentyabr. TELEQRAF
Rusiya ordusu Ukraynanın enerji infrastrukturuna hücum edib.
Teleqraf xəbər verir ki, bu barədə Ukrayna Energetika Nazirliyi məlumat yayıb.
Qeyd edilir ki, raket zərbəsi nəticəsində Kiyev vilayətindəki istilik elektrik stansiyalarından biri zədələnib.
"Məqsəd dinc insanlara çətinlik yaratmaq, evləri, məktəbləri və xəstəxanaları işıqsız və istisiz qoymaqdır. Enerji istehsalı, elektrik xətləri və qaz infrastrukturu hərbi obyekt deyil. Rusiya bilərəkdən kritik mülki infrastruktura zərbə endirir”, – məlumatda deyilir.
