ain.az, Azertag portalına istinadən məlumatı açıqlayır.
Bakı, 8 sentyabr, AZƏRTAC
İngiltərənin Liverpul şəhərində keçirilən boks üzrə dünya çempionatında Azərbaycan millisinin daha 2 idmançısı mərhələ adlayıb.
Boks Federasiyasından AZƏRTAC-a verilən məlumata görə, 55 kiloqramda Nicat Hüseynov kubalı Rolando Martines Pereslə qarşılaşıb. 1/16 final mərhələsi çərçivəsində baş tutan döyüş təmsilçimizin inamlı qələbəsi ilə yekunlaşıb. Hüseynov rəqibini 4:1 (28:29, 29:28, 29:28, 29:28, 29:28) hesabı ilə məğlub edib. O, növbəti görüşünü Bilguunsayxan Xarxuya (Monqolustan) qarşı keçirəcək.
Murad Allahverdiyev (80 kiloqram) də adını 1/8 finala yazdırıb. Boksçumuz Amar Koçini (Albaniya) mübarizədən kənarlaşdırıb – 4:1 (30:27, 29:28, 29:28, 28:29, 30:27). O, ikinci qarşılaşmasında Filip Akilovla (Macarıstan) münasibətinə aydınlıq gətirəcək.
Hər iki boksçumuz 1/8 final döyüşünə sentyabrın 9-da çıxacaq.
Qeyd edək ki, daha öncə Sübhan Mamedov (50 kiloqram) və Səidcəmşid Cəfərov (75 kiloqram) da 1/8 finala yüksəlib. Alfonso Dominqes (90 kq) isə reytinqinə görə bu mərhələdən yarışa qoşulacaq.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
