İndoneziyanın Şərqi Yava əyalətində Semeru vulkanı bir gündə səkkiz dəfə püskürüb.
Bu barədə "Antara" agentliyi müşahidə postuna istinadən məlumat yayıb.
Qeyd olunub ki, kül kraterdən 800 m yüksəkliyə və ya dəniz səviyyəsindən 4 476 m yüksəkliyə qalxıb. Məlumata görə, kül cənub və cənub-qərb istiqamətlərində böyük intensivliklə yayılır.
Semeru İndoneziyanın dördüncü ən yüksək vulkanı (dəniz səviyyəsindən 3 676 m yüksəklikdə) və Yava adasındakı ən yüksək zirvədir.
