Son elmi araşdırmalar göstərir ki, qan qrupları insanın immunitet sistemi, xəstəlik riski və s. ilə yanaşı, həm də ağrıya nə qədər dözümlü olduqlarını göstərir.
Ölkə.Az xarici KİV-ə istinadla xəbər verir ki, bu barədə ABŞ-nin Tafts Universiteti araşdırma aparıb.
Universitetin Tibb Fakültəsinin hematoloqu professor Raymond Komenzo deyir ki, I(O)qan qrupundan olan insanlar digər qan qruplarına nisbətən ağrıya daha dözümlü olurlar.
Bu araşdırmada gənc, sağlam fərdlər üzərində nüvə stabilliyi və soyuq sıxılma testi aparılıb. Qan qrupu I olanların ağrı dözümlülüyünün (ortalama 56,48 saniyə) digər qruplardan (II(A): 45,2, III(B): 48,5, IV(AB): 40,1) əhəmiyyətli dərəcədə yüksək olduğu müəyyən edilib.
Bu üstünlük kimi görünsə də, mütəxəssislər bildirir ki, ağrıya yüksək dözümlülük gec diaqnoz riskini artıra bilər. Çünki ağrı bədən üçün bir növ həyəcan siqnalı kimi çıxış edir.
Mütəxəssislər fərqin qanın laxtalanma xüsusiyyətləri və ya sinir sisteminin ağrı siqnallarını emal etmə üsulu ilə əlaqəli ola biləcəyini düşünür.
R.Komenzonun fikrincə, I qan qrupundan olan şəxslər, digər qruplarla müqayisədə iltihabın daha aşağı səviyyədə olması səbəbindən ağrıları daha az hiss edir.
BÉ™nzÉ™r bir tapıntı “Journal of Pharmaceutical Research International” jurnalında dÉ™rc edilÉ™n bir Hindistan araÅŸdırmasında da tÉ™sdiqlÉ™nib.
Alimlər deyirlər ki, bu tapıntılar vacibdir, lakin qəti nəticələr çıxarmaq üçün daha çox araşdırmaya ehtiyac var.
BillurÉ™ Yunus
