İngiltərə Premyer Liqası (APİL) “Mançester Siti” ilə bağlı aparılan araşdırma barədə açıqlama yayıb.
90deqiqe.Az-ın məlumatına görə, bu barədə Premyer Liqanın rəsmi saytında yayılan bəyanatda bildirilib.
“Premyer Liqa və “Mançester Siti” klubun daha əvvəl başladığı arbitraj işinə dair razılıq əldə edərək mübahisəni dayandırmaq qərarına gəlib. Tərəflər razılığa gələrək prosesi yekunlaşdırıblar”.
Məlumatda həmçinin vurğulanır ki, “Mançester Siti” Premyer Liqanın mövcud qaydalarını qüvvədə olan və icrası məcburi normalar kimi qəbul edib. Bununla yanaşı, APİL və klub mövzu ilə bağlı əlavə şərh verməmək barədə razılığa gəlib.
Xatırladaq ki, “şəhərlilər” daha əvvəl assosiasiya olunmuş tərəflərlə (APT) bağlanan müqavilələrlə bağlı Premyer Liqanın qaydalarından narazılıq ifadə etmiş və arbitraj müraciəti etmişdi.
