Təqdim edilən təşəbbüslərin əsas elementi oktyabr 2023-dən qüvvədə olan silah ticarətinə qadağanı rəsmiləşdirən kral fərmanıdır. Məhdudiyyətlər İsraillə silah, sursat və hərbi texnika satışını və alışını əhatə edir.
Əlavə tədbirlərə İsrail ordusu üçün yanacaq daşıyan gəmilərin İspaniya limanlarında şamalandırılmasına qadağa və hərbi yüklər daşıyan təyyarələr üçün İspaniya hava məkanının bağlanması daxildir.
Hökumət, həmçinin Qəzzada hərbi cinayətlərə və insan haqlarının pozulmasına görə məsuliyyət daşıya biləcək şəxslərə qarşı fərdi sanksiyalar tətbiq edib. Bu çərçivədə belə şəxslərin İspaniyaya girişinə qadağa qoyulacaq. Məhdudiyyətlər potensial olaraq İsrailin baş naziri Benyamin Netanyahu və onun kabinet üzvlərinə də şamil edilə bilər.
Pedro Sançes vurğulayıb ki, dövlətin müdafiəsi ilə günahsız insanların qətliyyamı arasında fərq var. Onun sözlərinə görə, on minlərlə ölən, milyonlarla məcburi köçkün yaranması özünümüdafiəni deyil, müdafiəsiz bir xalqın məqsədli şəkildə məhv edilməsini göstərir.
