Ukrayna milli komandasının baş məşqçisi Sergey Rebrov DÇ-2026-nın seçmə mərhələsində Azərbaycanla keçirdikləri 1:1 hesablı oyunu şərh edib.
90deqiqe.Az-ın məlumatına görə, mütəxəssis Bakıda keçirilən qarşılaşma ilə bağlı bildirib ki, komanda yaxşı oynaya bilmədiyinə görə xal itirib:]
“Dünən də bildirmişdim ki, heç bir rəqib zəif deyil. Söyləmək istəyirəm ki, meydanın durumu da ürəkaçan deyildi. Yaxşı oynaya bilmədiyimizə görə xal itirdik. Azərbaycan yığması əks-hücumlara bel bağlayırdı”.
Rebrov nəticədən razı qalmadığını da ifadə edib:
“Nəticəyə görə hər kəsdən üzr istəyirəm. Oyun ürəyimizcə olmadı. Bu gün 1:0 hesabı ilə qalib gəlsəydik belə, oyun üslubu ürəyimizcə olmayacaqdı”.
Qeyd edək ki, Tofiq Bəhramov adına Respublika stadionunda baş tutan Azərbaycan – Ukrayna oyunu 1:1 hesablı bərabərliklə yekunlaşıb.
