Almaniyanın Osnabrük şəhərində 74 yaşlı bir təqaüdçü yaşadığı binanın liftində qalıb və burada dörd gün ərzində nə yemək yeyib, nə də su içib.
Moderator.az xəbər verir ki, bu barədə Almaniya mətbuatı məlumat yayıb.
Hadisə iyul ayında baş verib. Kişi mənzilinə qalxarkən lift xarab olub. Fövqəladə vəziyyət düyməsi isə işləməyib. Təqaüdçü nəfəs almaqda çətinlik çəkməmək üçün kabinənin qapısını qismən sındırmağa məcbur olub.
Almaniyalı kişinin həyatını onun oğlu xilas edib. Bir neçə gün ərzində atasına zəng çatmayan oğul vəziyyətdən narahat olaraq polisə müraciət edib. Polis əməkdaşları mənzilə gəldikdə, liftdən zəif bir səs eşidiblər. Onlar qapını sındıraraq kişini liftdən çıxarıblar.
Təqaüdçü dərhal xəstəxanaya yerləşdirilib.
